Niadaŭna ŭ ŚMI źjaviłasia infarmacyja pra śmierć biełarusa Daniiła Lašuka, jaki niekali vajavaŭ va Ukrainie ŭ bataljonie «Tarnada».

Usio pačałosia z taho, što na paŭdniovym zachadzie siryjskaha Alepa pry ŭstaloŭcy vybuchnoj pryłady padarvaŭsia bajavik, viadomy pad pazyŭnym «Al-Takbir». Było viadoma, što jon pryjechaŭ vajavać na baku isłamskich radykałaŭ u Siryju z Ukrainy. Asoba zahinułaha nie była ŭstanoŭlena.

Ale ž va Ukrainie byŭ svoj «Al-Takbir». Mienavita takoje imia ŭziaŭ sabie biełarus Daniił Lašuk, taksama viadomy pad mianuškaj «Madžachied».

Uradženiec Bresta Lašuk prajšoŭ šlach ad pravincyjnaha futbolnaha fanata, jaki zachaplaŭsia repam, da žorstkaha isłamista z vopytam bajavych dziejańniaŭ. Jon źjechaŭ ź Biełarusi ŭ rasijski Pieciarburh, adtul pierabraŭsia va Ukrainu.

Z pačatkam vajny na Danbasie zapisaŭsia ŭ dobraachvotniki i Lašuk. Jon vajavaŭ u bataljonie «Tarnada», dzie nabyŭ viadomaść praz svaju žorstkaść. Zatym Lašuk zachapiŭsia radykalnym isłamam, źmianiŭ imia i proźvišča na «Danijał Al-Takbir» i pačaŭ vykazvać simpatyi da «Isłamskaj dziaržavy».

A nieŭzabavie jaho i jašče niekalkich čałaviek z «Tarnada» zatrymali ukrainskija siłaviki. Bajcoŭ abvinavačvali ŭ katavańni ludziej, vykradańni, hvałcie, stvareńni arhanizavanaj złačynaj hrupy.

U krasaviku 2017 hoda Lašuka prysudzili da 10 hadoŭ pazbaŭleńnia voli.

Dyk jak jon zmoh trapić z ukrainskaj kałonii na siryjski front?

Nasamreč — nijak. U Siryi ŭsio ž zahinuŭ inšy Al-Takbir.

«Naša Niva» adpraviła zapyt va ukrainskaje ŭpraŭleńnie vykanańnia pakarańniaŭ. Aficyjny adkaz byŭ taki: 24-hadovy Lašuk praciahvaje adbyvać pakarańnie. Na siońnia jon znachodzicca ŭ Baryspalskaj kałonii №119.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?