Urad Rasii ličyć spraviadlivym patrabavańnie Biełarusi ab pavyšeńni taryfu na prapampoŭku nafty pa svajoj terytoryi, ale jano pavinna być nižejšym, čym prapanujuć ułady Biełarusi. Pra heta žurnalistam paviedamiŭ rasijski vice-premjer Dźmitryj Kozak, piša TASS.

Pavodle jaho słoŭ, Rasija hatova razhledzieć pytańnie ab pastupovym vyraŭnoŭvańni taryfaŭ u Rasii i Biełarusi dla «Transnafty» i ŭžo padrychtavała kampramisny varyjant.

«Patrabavańni pa pavyšeńni taryfu na tranzit nafty praź Biełaruś spraviadlivyja, ale nie da takoj stupieni, jakaja była zajaŭlena biełaruskim bokam (na 21,7%). Nie da takoj stupieni, havorka idzie ab vyraŭnoŭvańni, tam sapraŭdy samyja nizkija taryfy na prapampoŭku nafty, nižejšyja, čym u Rasii, nižejšyja, čym va Ukrainie i ŭ Jeŭropie», — skazaŭ jon.

Kozak adznačyŭ, što maje namier u subotu abmierkavać ź vice-premjeram Biełarusi Iharam Lašenkam taryf na prapampoŭku nafty. Pavodle jaho słoŭ, minimalna jon vyraście da ŭzroŭniu dziejučaha na terytoryi Rasii, ale ŭžo hatova kampramisnaja prapanova.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?