Złučanyja Štaty nie padtrymlivajuć idei, jakija praduhledžvajuć źmianieńnie farmataŭ mižnarodnych pieramoŭ pa situacyi va Ukrainie. Pra heta paviedamiła ŭ piatnicu karespandentu TASS pradstaŭnica Dziarždepartamenta ZŠA.

«My całkam padtrymlivajem namahańni prezidenta Zialenskaha, nakiravanyja na toje, kab ažyvić implemientacyju «Minska»», — zapeŭniła pradstaŭnica źniešniepalityčnaha viedamstva ZŠA. Na jaje dumku, «Ukraina vykonvaje svaje abaviazacielstvy ŭ ramkach «Minska» maksimalna mahčymym čynam». «Rasii nieabchodna rabić toje ž samaje», — ličyć amierykanski dypłamat. «Adnak, — padkreśliła jana, — źmiena isnujučych pieramoŭnych farmataŭ nie likviduje sapraŭdnuju pieraškodu prahresu ŭ implemientacyi «Minska». Hetaj pieraškodaj źjaŭlajecca «adsutnaść u Rasii palityčnaj voli», adznačyła supracoŭnica Dziarždepartamienta ZŠA.

Zialenski 8 lipienia na staroncy Facebook źviarnuŭsia da Pucina z prapanovaj sustrecca ŭ Minsku pry pasiarednictvie ZŠA, Vialikabrytanii, Hiermanii i Francyi. Pavodle jaho słoŭ, «treba abmierkavać, čyj Krym i kaho tam niama na Danbasie». Jak vykazaŭsia Zialenski, «kampaniju dla razmovy» jon prapanuje ŭ asobie prezidenta ZŠA Donalda Trampa, premjer-ministra Vialikabrytanii Terezy Mej, kanclera Hiermanii Anhieły Mierkiel i prezidenta Francyi Emaniuela Makrona.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?