U Čačerskim rajonie ŭ noč na 12 lipienia zatrymali dva hruzaviki z bolš čym 20 t mietałałomu, paviedamlaje milicyja.

Pa darozie ŭ viosku Sidaravičy na ​​načnoj darozie supracoŭniki RAUS dahnali hružany MAZ, jaki nakiroŭvaŭsia ŭ bok miažy z Rasijaj. Pravaachoŭniki spynili mašynu dla pravierki i vyjavili ŭ kuzavie łom mietału. Furu paviarnuli ŭ bok Čačerska. Adzin z supracoŭnikaŭ uzvoda dla supravadžeńnia pierasieŭ u hruzavy aŭtamabil, druhi — na słužbovaj mašynie ruchaŭsia za imi.

Nie paśpieli jany prajechać niekalki kiłamietraŭ, jak pa sustrečnaj pałasie prajšoŭ jašče adzin vialikahruz MAN. Milicejski UAZ paviarnuŭsia i dahnaŭ aŭtamabil, supracoŭnik milicyi ŭklučyŭ probliskavyja majački i praz hučnuju suviaź daŭ kamandu kiroŭcu spynić furu. Patrabavańnie pravaachoŭnika toj vykanaŭ nie adrazu. Zajechaŭšy ŭ viosku Krasny Bierah, MAN rezka zatarmaziŭ kala kramy, a vadziciel źbieh. Hruzavik sapraŭdy akazaŭsia zahružany łomam čornaha mietału. Ciapier vyśviatlajecca ŭładalnik fury i toj, chto znachodziŭsia za jaje rulom.

Pravodzicca pravierka i nakont MAZa. U adnoj mašynie znachodziłasia 8 t mietałałomu, u druhoj — 15 t.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?