U Polščy piaty dzień praciahvajucca pošuki piacihadovaha rasijanina Davida Žukoŭskaha. Heta samaja maštabnaja ŭ historyi Polščy pošukavaja apieracyja, piša Radyjo Polšča.

U sieradu, 10 lipienia, kala apoŭnačy maci chłopčyka paviedamiła pra jaho źniknieńnie. Pavodle infarmacyi palicyi, baćka Davida zabraŭ jaho z doma ŭ Hrodzisku-Mazavieckim. Nieŭzabavie mužčynu znajšli miortvym — jaho źbiŭ ciahnik. Palicyja dapuskaje, što jon skončyŭ žyćcio samahubstvam.

Na padstavie pakazańniaŭ śviedak i zapisaŭ z kamier videanazirańnia palicejskija adnavili maršrut, pa jakim ruchaŭsia baćka dziciaci, i staranna ahledzieli amal 4 tysiačy hiektaraŭ.

U paniadziełak, 15 lipienia, palicejskija źmianili stratehiju pošuku: jany prystupili da padrabiaznaha analizu sabranaj infarmacyi, abśledavańnie terytoryi nie pravodzicca.

Pradstaŭnik kamiendatury palicyi Varšavy Silviestr Marčak padkreślivaje, što dla płanavańnia dalejšych dziejańniaŭ nieabchodny dakładny analiz ŭžo sabranaj infarmacyi.

Клас
Панылы сорам
Ха-ха
Ого
Сумна
Абуральна