Zatrymlivajucca ciahniki ŭ napramku Oršy praz schod z rejek hruzavoha sastavu. Pra heta paviedamlaje błohier Nexta.

Fota: Nexta.

Paviedamlajecca, što niekatoryja rejsy zatrymalisia ŭ darozie, a adpraŭleńnie elektryčki ŭ Minsk časova adkładajecca. Nibyta hruzavy sastaŭ syšoŭ z rejek niedaloka ad horada Krupki ŭ Minskaj vobłaści.

Paźniej na sajcie BČ źjaviŭsia aficyjny kamientar.

U 16:08 na pierahonie Krupki-Pryjamina syšli 7 parožnich vahonaŭ. Usiaho ŭ sastavie ciahnika znachodzicca 89 vahonaŭ. Ciahnik nakiroŭvaŭsia pa maršrucie Orša-Minsk.

Paciarpiełych niama. Na ekałahičnuju situacyju zdareńnie nie paŭpłyvała.

U vyniku incydentu taksama adbylisia źmieny ŭ hrafiku ruchu niekatorych pasažyrskich ciahnikoŭ.

Tak, ciahnik mižrehijanalnych linij biznes-kłasa №704 Minsk-Viciebsk, adpraŭleńniem ź Minska ŭ 17 hadzin 04 chviliny, idzie źmienienym maršrutam praz Maładziečna, Połack.

Ciahnik mižrehijanalnych linij ekanomkłasa №612 Baranavičy-Viciebsk/Kryčaŭ, adpraŭleńniem z Baranavič u 15 hadzin 10 chvilin, idzie źmienienym maršrutam ad stancyi Minsk-Pasažyrski praz Asipovičy, Mahiloŭ.

Pryčyna zdareńnia vyśviatlajecca. Dla rasśledavańnia incydentu stvorana śpiecyjalnaja kamisija.

Клас
Панылы сорам
Ха-ха
Ого
Сумна
Абуральна