Žurnalist Siarhiej Malinoŭski spytaŭsia ŭ svaim fejsbuku: «Tyja, chto byŭ na kancercie 30 seconds to Mars — vy zrazumieli hety pasaž Džareda Leta pra parfumu? Što tam jamu pachła, što jon tak raptoŭna zharnuŭ kancert?»
Andrej Vasilenka, jaki byŭ učora na kancercie, kaža, što ničoha padobna nie čuŭ:
«Nie, pra heta čuju ŭpieršyniu. U mianie inšyja narakańni na kancert. Pa-pieršaje, jon pačaŭsia ŭ 21.30, zamiest zajaŭlenych 20.00. I byŭ vielmi karotkim, byccam fiestyvalny vystup. U 22.50 -23.00 užo ŭsio skončyłasia. Nie spadabałasia mnie, i što artyst sa sceny pakazaŭ na dziaŭčynu ŭ zale i skazaŭ u mikrafon: «Ty tak sabie, tamu ja ciabie na scenu nie pazavu».
Džared Leta. Fota Andreja Vasilenki.
Hanna Markievič, mieniedžarka hurta NIZKIZ, jaki ŭčora vystupiŭ na razahrevie ŭ «marsaŭ» taksama pra hetuju situacyju ničoha nie viedaje:
«Niapraŭda. Kancert končyŭsia svoječasova, jak i płanavałasia. Ci zdaryłasia niešta takoje padčas vychadu hurta na bis, ja nie viedaju».
Arhanizatary kancerta, kancertnaje ahienctva «KancertChołHrup», taksama kažuć, što ničoha padobnaha nie było i nie razumiejuć, adkul uziałasia infarmacyja pra niejkuju parfumu.
