«Pryhody Pinokia» − kazačnaja apovieść Karła Kałodzi, italjanskaha piśmieńnika, kłasika dziciačaj litaratury. Ahułam tvor pierakładzieny na 87 movaŭ śvietu, i voś narešcie źjavicca šaniec pračytać jaho i na biełaruskaj movie. Prajekt pa vydańni knihi raspačaŭsia na kraŭdfandynhavaj placoŭcy ulej.by.
Jak pierakonvajuć aŭtary prajekta, «Pryhody Pinokia» − heta adzin z samych kranalnych tvoraŭ suśvietnaj litaratury, abaviazkovy dla čytańnia, pryčym zadavolić husty i małych, i darosłych čytačoŭ.
Šykoŭnyja ilustracyi prafiesijnaha mastaka Andreja Paźniaka, pierakład Jaŭhiena Salejčuka, daskanałaja redaktura Aksany Sprynčan robiać vydańnie biezdakornym, pierakananyja vydaŭcy.
Kali vy ličycie, što «Pryhody Buracina» — heta ž i jość «Pryhody Pinokia», prosta pierastvoranyja Alaksiejem Tałstym, vy pamylajeciesia: heta absalutna inšaja historyja, ź inšym charaktaram i siužetnymi pavarotami.
