U Voranaŭskim rajonie parušalnik miažy sprabavaŭ schavacca na ŭsiedarožniku, pamiežnikam pryjšłosia vykarystać zbroju, paviedamlaje Dziaržpahrankamitet.

Uviečary 28 lipienia ŭ Voranaŭskim rajonie pahraničny narad za 30 mietraŭ ad miažy ź Litvoj znajšoŭ aŭtamabil Jeep biez numaroŭ. Kala jaho znachodziŭsia nieviadomy.

Ubačyŭšy pravaachoŭnikaŭ, mužčyna sieŭ u aŭto i pasprabavaŭ źjechać. Jon nie spyniŭsia, i paśla hetaha pamiežniki byli vymušanyja ŭžyć tabielnuju zbroju.

Paźniej aŭtamabil z prabitymi kołami byŭ znojdzieny na poli niepadaloku. Praź niekalki hadzin byŭ zatrymany pa miescy žycharstva i jaho kiroŭca.

Svajo znachodžańnie na režymnaj terytoryi žychar vioski Braželcy Voranaŭskaha rajona patłumačyŭ zboram daroŭ pryrody. Pavodle jaho słoŭ, jon vyrašyŭ źbiehčy, bo spałochaŭsia.

Ciapier mužčynie pahražajuć bujnyja štrafy.

Клас
0
Панылы сорам
0
Ха-ха
0
Ого
0
Сумна
0
Абуральна
0