U punktach propusku na biełaruskaj miažy, asabliva ŭ pieryjad adpačynkaŭ, usio čaściej vyjaŭlajucca pašparty, jakija stali niesapraŭdnymi ŭ suviazi sa źmienaj proźvišča paśla zaklučeńnia albo skasavańnia šlubu. Pa hetaj pryčynie tolki za pieršaje paŭhodździe 710 hramadzianam Biełarusi admoŭlena ŭ vyjeździe za miažu, paviedamlaje Dziaržpamiežkamitet.
Adzin z apošnich padobnych vypadkaŭ adbyŭsia 1 žniŭnia ŭ aŭtadarožnym punkcie propusku «Brest». 28-hadovaja žycharka stalicy, vyjazdžajučy za miažu na aŭtobusie, pradjaviła pamiežnikam pašpart, termin dziejańnia jakoha minuŭ 30 maja 2019 hoda. Pryčyna, pa jakoj dziaŭčynie nieabchodna zamianić dakumient - skasavańnie šlubu i źmiena proźvišča. Akramia sarvanaj pajezdki, minčanka taksama moža atrymać štraf da 50 bazavych.
Dziaržpamiežkamitet nahadvaje hramadzianam, što pierad vyjezdam za miažu treba abaviazkova praviarać dziejnaść pašparta. Asabliva heta tyčycca tych, chto niadaŭna źmianiŭ proźvišča paśla šlubu abo razvodu. Ich pašparty stanoviacca niesapraŭdnymi praź miesiac.
