Za apošnija dni sapioram dvojčy pryjšłosia vyjazdžać u lasy Viciebskaj vobłaści - hrybniki vyjavili 60 artyleryjskich snaradaŭ i 25 minamiotnych min, a taksama inšyja bojeprypasy, pišuć Narodnyja naviny Viciebska.
U Połackim rehijonie hrybnik natknuŭsia na artyleryjski snarad i paviedamiŭ ab niebiaśpiečnaj znachodcy ŭ milicyju. Kali na miesca pryjechali sapiory, to jany znajšli 19 snaradaŭ kalibru 45 milimietraŭ, 17 snaradaŭ kalibru 88 milimietraŭ, 9 snaradaŭ kalibra 105 milimietraŭ, 2 snarady kalibru 152 milimietraŭ, 15 minamiotnych min kalibru 81 milimietraŭ, minamiotnuju minu kalibru 120 milimietraŭ, 39 artyleryjskich uzryvalnikaŭ.
Taksama na abiasškodžvańnie vybuchovaniebiaśpiečnych pradmietaŭ vyjazdžali sapiory ŭ lasny masiŭ kala vioski Lubava Viciebskaha rajona. Tam ź ziamli jany dastali 9 minamiotnych min, 13 artyleryjskich snaradaŭ, 5 hranat «F-1», 4 hranaty «RH-42» i 74 kapsuli-detanatary.
Usie bojeprypasy adnosiacca da pieryjadu Druhoj suśvietnaj vajny.
