Unačy 3 žniŭnia ŭ haradskim pasiołku Łyntupy Pastaŭskaha rajona zahareŭsia niežyły dom. Sihnał pra heta pastupiŭ ratavalnikam a 3.00, paviedamlaje pres-słužba MNS.
Padčas tušeńnia pažaru na 45-hadovaha kamandzira adździaleńnia Hiermana Makoŭskaha abrynułasia ściana i dach budynka. Jaho kaleha razam ź miascovymi žycharami vyniali mužčynu z-pad zavału, adnak jon užo znachodziŭsia biez prykmiet žyćcia, paviedamlaje Śledčy kamitet.
Hierman Makoŭski pracavaŭ ratavalnikam z 1996 hoda.
Fota: Śledčy kamitet.
Śledča-apieratyŭnaja hrupa ahledzieła miesca zdareńnia, apytanyja miascovyja žychary. Śledčymi kanfiskavanyja ślady pažarnaha śmiećcia, pryznačanyja pažarna-techničnaja i sudova-miedycynskaja ekśpiertyzy.
Fota: Śledčy kamitet.
Padčas ahladu ŭstanoŭlena, što ačah uzharańnia znachodziŭsia ŭ adnym z pamiaškańniaŭ budynka. Pryčyna ŭzharańnia vyśviatlajecca.
