Mierapryjemstvy pa pošuku vybuchovych pryładaŭ na minskim čyhunačnym vakzale i dvuch avijarejsach z aeraporta Minsk—2 skončanyja, paviedamiła aficyjny pradstaŭnik MUS Volha Čamadanava.
Nieviadomy paviedamiŭ, što ŭ Minsku zaminiravany vakzał i dva samaloty
Pravaachoŭniki na praciahu niekalkich hadzin staranna abśledavali abjekty, nazvanyja ŭ liście, jaki nieviadomy dasłaŭ siońnia ŭ Mahiloŭskaje adździaleńnie BČ pa elektronnaj pošcie. Vybuchovych pryładaŭ nie vyjaŭlena.
Fota: Śledčy kamitet.
Ciapier viadziecca pošuk adpraŭnika paviedamleńnia ab «minavańni». «Padobnyja «pasłańni» vielmi doraha abychodziacca dziaržavie, tamu pakarańnie łžeminiora praduhledžana vielmi niežartoŭnaje. Až da siami hadoŭ pazbaŭleńnia voli», — adznačajecca ŭ paviedamleńni.
Śledčy kamitet pa fakcie zaviedama łžyvaha paviedamleńnia pra niebiaśpieku raspačaŭ kryminalnuju spravu.
