U subotu, 3 žniŭnia, u 17:10 da ratavalnikaŭ źviarnułasia pa dapamohu žančyna. Jana paviedamiła, što ŭ lesie, niepadalok ad vioski Łosincy Drahičynskaha rajona, źnikła jaje siastra z tryma dziećmi, paviedamlaje MNS.
32-hadovaja žycharka Minska razam z dočkami 13 i 11 hadoŭ i 4-hadovym synam, sa słoŭ svajakoŭ, źjechała na mašynie ŭ les pa jahady kala 11 hadzin hetaha ž dnia, telefonnaj suviazi ź joj nie było.
U pošukach zadziejničali siły MNS, RAUS, lashasa i miascovych žycharoŭ. Siamju šukali 24 čałavieki sa śpiecyjalnaj technikaj.
Źnikłuju žančynu razam ź dziećmi znajšli ŭ 18:04. Jana vyjšła ź lesu na huk sihnalnaj pryłady. Stan i mamy, i dziaciej byŭ zdavalniajučym, u špitalizacyi nichto nie mieŭ patrebu.
0
0
0
0
0
0
