31 lipienia siadzielny ciahač z tentavanym paŭpryčepam pierakuliŭsia na vulicy Ludnikava ŭ Viciebsku niepadalok ad budynka śledčaha izalatara, paviedamlaje «Miedyja-Paleśsie».

Fura viezła paddony z pasiołka Vićba ŭ bok Minska, za styrnom aŭtamabila znachodziŭsia 30-hadovy žychar Pinska.

Prajechaŭšy vulicu Haharyna, fura pavinna była ŭvajści ŭ davoli kruty pavarot naleva. Ale i ciahač razam pryčepam ŭpali na bok.

Nichto nie paciarpieŭ. Pažarnyja stvaryli vakoł aŭtamabila piennuju padušku, kab praduchilić mahčymaje ŭzharańnie. Zatym aŭtamabil pastavili na koły.

Fota news.vitebsk.cc.

Fota news.vitebsk.cc.

4 žniŭnia pinski kiroŭca źviarnuŭsia da viciablan u haradskoj hrupie Ukantakcie «Heta Viciebsk, dzietka!» i raspavioŭ, što adbyłosia:

«Pryvitańnie, Viciebsk! Chaču skazać vialiki čałaviečy dziakuj usim dobrym ludziam, jakija vielmi dapamahli mnie try dni tamu. Ja kiroŭca toj samaj fury, jakaja ŭpała kala Smalenskaha rynku. Pryčyna pierakulvańnia ŭžo viadomaja — parušeńnie cełasnaści apornaj kanstrukcyi pryčepa, z pryčyny čaho pryčep straciŭ svaju miechaničnuju tryvałaść. Prosta kažučy — pryčep adžyŭ svajo. Plus adzin nierabočy amartyzatar na levym baku, što taksama hraje niemałavažnuju rolu va ŭstojlivaści pryčepa. Što ź im rabili, ja nie viedaju, bo sam pracuju ŭ hetaj firmie tolki druhi tydzień. Da hetaha abjeździŭ niamała krain ad Ispanii na Zachadzie da Hruzii na Uschodzie z 2013 hoda, i nikoli ničoha takoha nie było».

Клас
0
Панылы сорам
0
Ха-ха
0
Ого
0
Сумна
0
Абуральна
0