3 žniŭnia na vulicy Karła Marksa ŭ Hrodnie prosta na darozie pabilisia dva mužčyny: kiroŭca i pasažyr aŭtamabila taksi. Jak raspavioŭ «AŭtoHrodna» vidavočca bojki, situacyja była zusim niečakanaj.
«Taksi pačało ruch na zialony, a zatym rezka spyniłasia. Adnačasova adkrylisia dźviery kiroŭcy i zadniaja pasažyrskaja, i mužčyny sčapilisia ŭ bojcy ŭžo na prajeznaj častcy, — raspaviadaje «AŭtoHrodna» vidavočca Kirył. — Adjazdžajučy, ja pahladzieŭ na ŭdzielnikaŭ bojki ŭ lusterka zadniaha vidu. Jany astyli i pierastali bicca. Darečy, u sałonie znachodziłasia dziaŭčyna, jana była vielmi aburanaja».
