Heta budzie ŭžo treciaja apieracyja Ankary ŭ pryhraničnych paŭnočnych rajonach Siryi. Rasija i ZŠA ab novaj apieracyi papiaredžany, zapeŭniŭ turecki prezident, pišuć infarmahienctvy.
Turcyja źbirajecca pravieści novuju vajennuju apieracyju ŭ kantralavanym kurdami rajonie na ŭschod ad Jeŭfrata ŭ paŭnočnaj častcy Siryi. Pra heta ŭ niadzielu abviaściŭ prezident Turcyi Redžep Erdahan padčas adkryćcia aŭtamahistrali.
Pra padobnyja płany Ankara ŭžo zajaŭlała, adnak rašeńnie ab praviadzieńni novaj vajennaj apieracyi było adkładziena paśla taho, jak była dasiahnutaja damoŭlenaść z Vašynhtonam ab stvareńni biaśpiečnaj zony na paŭnočna-ŭschodniaj miažy Siryi z Turcyjaj, jakaja praduhledžvała ačyščeńnie terytoryi ad kurdskich Atradaŭ narodnaj samaabarony.