Kitajskaja kampanija ZTE ŭ paniadziełak raspačała prodaž pieršaha smartfona z padtrymkaj technałohij suviazi 5G — Axon 10 Pro, paviedamlajuć infarmahienctvy sa spasyłkaj na zajavu kampanii.
Kaštavać jany buduć 4999 juaniaŭ (kala $ 722). Kampanija viadzie pieramovy z najbujniejšymi roźničnymi sietkami Kitaja, a taksama płanuje pradavać Axon 10 Pro ŭ aficyjnych kramach ZTE.
Pryłada abstalavanaja najnoŭšym 8-jadziernym pracesaram Snapdragon 855 z 6 Hbajt apieratyŭnaj pamiaci, jakija pracujuć na apieracyjnaj sistemie Android 9.0 Pie. Abjom ubudavanaj pamiaci składaje 128 Hbajt, pry hetym smartfon abstalavany słotam dla kart microSD ź jomistaściu da 512 Hbajt. Jomistaść akumulatara składaje 4 tys. miliampier-hadzin.
U lipieni pieršyja vosiem madelaŭ smartfonaŭ dla mabilnaj suviazi piataha pakaleńnia atrymali siertyfikaty jakaści ŭ KNR, što dało im mahčymaść vychodzić na kitajski rynak. Kampanija Huawei prezientavała čatyry madeli, astatnija čatyry siertyfikaty atrymali kitajskija vytvorcy Oppo, Vivo, ZTE i One Plus.
