Fota z fejsbuka Džordan Ankonda.
Padčas masavaha zabojstva ŭ supiermarkiecie ŭ horadzie El-Pasa, štat Techas, zahinuła maci traich dziaciej, jakaja zakryła saboj niemaŭla.
24-hadovaja Džordan Ankonda stała adnoj z 20 achviaraŭ stralaniny ŭ supiermarkiecie Walmart, jakaja adbyłasia ŭ niadzielu.
Jaje 19-hadovaja siastra Leta Džamroŭski paviedamiła VVS, što spadarynia Ankonda kuplała školnyja tavary dla svaich dziaciej, kali ŭ supiermarkiecie Walmart adkryli ahoń pa naviedvalnikach.
Maci ŭpała na ziamlu, zatuliŭšy saboj dvuchmiesiačnaha syna. Jaje siastra adznačaje, što spadarynia Ankonda «padaryła žyćcio» synu.
Niemaŭla sa złamanymi kostkami ciapier lečać va ŭniviersiteckim miedycynskim centry El-Pasa.
Pa padazreńni ŭ ździajśnieńni złačynstva ŭ El-Pasa zatrymany 21-hadovy amierykaniec, jaki, u pryvatnaści, abvinavačvajuć u teraryźmie i złačynstvie na hlebie nianaviści. Jamu pahražaje śmiarotnaje pakarańnie.
U Techasie mužčyna z AK u handlovym centry rasstralaŭ 20 čałaviek
Akramia taho, u noč z suboty na niadzielu ŭ ZŠA adbyłasia jašče adna stralanina ŭ štacie Ahajo. Jaje achviarami stali dzieviać čałaviek. Palicejskija zastrelili napadnika praz 30 siekund paśla pačatku stralaniny.