Uładzimir Zialenski spraściŭ praceduru atrymańnia hramadzianstva Ukrainy. Na ŭkrainskaje hramadzianstva ciapier zmohuć pretendavać hramadzianie Rasii, jakija padvierhlisia «pieraśledu pavodle palityčnych pierakanańniaŭ». Akramia taho, ukrainski pašpart zmohuć atrymać zamiežniki i asoby biez hramadzianstva, jakija harantavali nacyjanalnuju biaśpieku i abaronu Ukrainy, piša Radyjo Svaboda.

Jak adznačajecca ŭ tekście adpaviednaha ŭkaza, padpisanaha 13 žniŭnia, hramadzianin Rasii maje padać dekłaracyju ab admovie ad svajho hramadzianstva i daviedku, jakaja paćviardžaje pieraśled z boku pravaachoŭnych orhanaŭ pavodle palityčnych matyvaŭ abo za pierakanańni.

Adpaviedny dakument ab pieraśledzie možna budzie atrymać u Ministerstvie zamiežnych spravaŭ Ukrainy abo dypłamatyčnaha pradstaŭnictva Ukrainy ŭ Rasii. Adnačasova ŭkrainskaje hramadzianstva budzie nadavacca i dzieciam baćkoŭ, jakich pieraśledujuć u Rasii.

U toj ža čas hetyja miechanizmy nie buduć raspaŭsiudžvacca, naprykład, na palityčna pieraśledavanych hramadzian Biełarusi.

Ale kančatkova ŭrehulavać pytańnie nadańnia ŭkrainskaha hramadzianstva zamiežnikam, jakija pieraśledujucca ŭ krainie svajho pachodžańnia pavodle palityčnych matyvaŭ, musiać dva adpaviednyja zakony — ab spraščeńni paradku atrymańnia hramadzianstva Ukrainy dla rasijanaŭ i zamiežnikaŭ, a taksama ab paradu pradstaŭleńnia palityčnaha prytułku. Zhodna z ukazam prezidenta Ukrainy, hetyja zakony pavinien raspracavać Kabiniet Ministraŭ Ukrainy ciaham troch miesiacaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0