Zaviaršyŭšy praces rebrendynhu, pravajdar telekam-, IKT- i kantent-pasłuh A1 pradstaviŭ novyja pradukty i zajaviŭ ab pryjarytetnych kirunkach raźvićcia kampanii.
Z 12 žniŭnia 2019 hoda kampanija kančatkova pierajšła da vykarystańnia ŭ apieracyjnaj dziejnaści brenda A1. Tak, siońnia klijentam kampanii dastupnyja pasłuhi mabilnaj i fiksavanaj suviazi, vobłačnaha zachoŭvańnia i apracoŭki dadzienych, interaktyŭnaha telebačańnia, a taksama zabaŭlalny kantent ad adnaho pravajdara.
Adnoj z klučavych navinak paśla rebrendynhu staŭ start prodažaŭ smartfona pad ułasnym brendam «A1 Alfa».
Mabilnuju pryładu adroźnivaje sučasny dyzajn, vialiki 6,26-calevy ekran, padvojnaja asnoŭnaja kamiera 13+2 Mp z padtrymkaj technałohii štučnaha intelektu, a taksama vialiki abjom ubudavanaj pamiaci na 64 HB z mahčymaściu pašyreńnia da 256 HB. Akramia taho, aficyjnaja harantyja na pryładu pavialičana ŭ paraŭnańni z harantyjaj na inšyja madeli i składaje 24 miesiacy, dazvalajučy karystalnikam być upeŭnienymi ŭ svajoj kupli udvaja daŭžej. Dastupnyja kolery korpusa smartfona — čorny i biruzovy.
Navinka moža pracavać u sietkach usich biełaruskich apierataraŭ. Pry hetym dla abanientaŭ A1 praduhledžany asablivyja ŭmovy: mahčymaść nabyć smartfon u rasterminoŭku da 30 miesiacaŭ sa štomiesiačnym unioskam ad 9,9 rubla, a taksama śpiecyjalnaja cana 199 rubloŭ pry kupli adnačasovym płaciažom.
Akramia taho, z 12 žniŭnia 2019 hoda abanienty A1 pieršymi ŭ Biełarusi zmohuć padklučyć da svaich pryładaŭ eSIM - virtualnyja ličbavyja SIM-karty novaha pakaleńnia. Pry kupli novaha smartfona z padtrymkaj eSIM ciapier budzie dastatkova tolki aktyvavać samu pryłada i adskanavać śpiecyjalny QR-kod apieratara. Usiaho niekalki klikaŭ dla naładak — i abanient zmoža karystacca pasłuhami mabilnaj suviazi A1. Pry hetym śpis hetych pryład pašyrajecca pa miery źjaŭleńnia navinak ad viadučych vytvorcaŭ. Na dadzienym etapie ŭkaranieńnia technałohii dla padłučeńnia jeSIM abanientu nieabchodna naviedać luby firmovy centr prodažaŭ i absłuhoŭvańnia A1 albo zamović eSIM u internet-kramie A1 razam sa smartfonam abo płanšetam, jaki padtrymlivaje novuju technałohiju.
Jašče adnoj cikavaj prapanovaj dla klijentaŭ staŭ zapusk zručnaha mabilnaha dadatka «Moj A1».
Ź jaho dapamohaj abanienty zmohuć samastojna atrymlivać dostup da infarmacyi pra svoj bałans i pra reštu chvilin i trafiku, kiravać padłučanymi pasłuhami i dadavać novyja.
A ŭ najbližejšy čas A1 pradstavić svaju novuju pasłuhu — «A1 Razumny dom».
Ź jaje źjaŭleńniem zvyčajny smartfon pieratvorycca ŭ zručny instrumient kiravańnia domam: pakłapocicca pra kamfort, biaśpieku ludziej i majomaści, dapamoža ekanomić elektraenierhiju i ablehčyć štodzionnuju rucinu, uziaŭšy na siabie kiravańnie «razumnaj» bytavoj technikaj u aŭtamatyčnym režymie na asnovie karystackich scenaroŭ.
Aznajomicca z novymi prapanovami i praduktami kampanii možna ŭ firmovych kramach albo detalova pratestavać u centry ličbavych pasłuh A1 ŭ Minsku (vuł. Internacyjanalnaja, 36) — pieršaj kramie kampanii novaha farmatu, jakaja prapanuje naviedvalnikam asablivy karystalnicki dośvied. Akramia abstalavańnia tut pradstaŭleny pasłuhi mabilnaj suviazi i fiksavanaha internetu dla pryvatnych i karparatyŭnych klijentaŭ, interaktyŭnaje telebačańnie VOKA. Akramia taho, u centry ličbavych pasłuh A1 možna atrymać infarmacyju ab inavacyjnych IKT-pasłuhach dla biznesu.
U svaich płanach kampanija A1 robić staŭku na kanvierhientnaść — abjadnańnie raniej asobnych pasłuh u kompleksnuju prapanovu ad adnaho pravajdara. Na hetaj ža asnovie kampanija budzie raźvivać servisy dla biznesu.
Siońnia A1 zabiaśpiečvaje karparatyŭnych klijentaŭ nie tolki mabilnaj suviaźziu i internetam, ale i šyrokim pakietam pasłuh dla biznesu luboha maštabu, robiačy asablivy ŭpor na biaśpieku. Tak, naprykład, data-centr kampanii — adzin z najbujniejšych u Biełarusi — niadaŭna paćvierdziŭ adpaviednaść standartu infarmacyjnaj biaśpieki ISO 27001.Adnačasova A1 płanuje aktyŭna raźvivać śfieru zabaŭlalnaha kantentu na bazie videaservisu VOKA. U noč z 11 na 12 žniŭnia papularny ŭ minčukoŭ multypleks velcom cinema ŭ TRC Dana Mall źmianiŭ imia i vizualnaje afarmleńnie na VOKA CINEMA. A ŭ dzień jubileju videaservisu — 16 žniŭnia jamu spaŭniajecca 5 hadoŭ — u šaści załach VOKA CINEMA projdzie śpiecyjalny śviatočny pakaz dla jaho klijentaŭ, jakija atrymali zaprašeńni. Akramia taho, VOKA ceły miesiac budzie daryć padarunki jak dziejnym klijentam, tak i novym.
A ŭžo zusim chutka ŭ VOKA CINEMA možna budzie hladzieć kino ŭ panaramnym farmacie: paśla rekanstrukcyi adzin z załaŭ pieratvorycca ŭ pieršuju ŭ Biełarusi kinazału ScreenX.
Akramia taho, ź vieraśnia 2019 hoda sumiesna ź sietkaj kinateatraŭ Silver Screen VOKA zapuskaje prajekt pa łakalizacyi filmaŭ dla biełaruskaha rynku i ich pierakładu na biełaruskuju movu.
Usiu infarmacyju ab kampanii, jaje pasłuhach i inavacyjach pa-raniejšamu možna budzie znajści ŭ internecie — ale ŭžo pa novym adrasie: A1.by. Numar kantakt-centra zaraz stanovicca adzinym — 150.
