Z nahody pierachodu da brenda A1 videaservis VOKA abviaściŭ pra źmieny i płany pa dalejšym raźvićci dastupnaha karystalnikam kantentu. Hetyja źmieny adbyvajucca napiaredadni piacihodździa isnavańnia servisu, jakoje budzie adznačacca 16 žniŭnia.

U noč z 11 na 12 žniŭnia staličny mulcipleks velcom cinema ŭ HZC ​​Dana Mall źmianiŭ afarmleńnie: z hetaha momantu jon nazyvajecca VOKA CINEMA. 16 žniŭnia — u dzień naradžeńnia VOKA — va ŭsich załach abnoŭlenaha kinateatra adbudziecca śviata dla klijentaŭ VOKA, jakija atrymali zaprašeńni, z pakazami najlepšych karcin z šyrokaj kalekcyi videaservisu. Akramia taho, VOKA ceły miesiac budzie daryć padarunki jak dziejnym klijentam, tak i novym. A ŭžo zusim chutka ŭ VOKA CINEMA možna budzie hladzieć kino ŭ panaramnym farmacie: paśla rekanstrukcyi adzin z załaŭ pieratvorycca ŭ pieršy ŭ Biełarusi kinazała ScreenX.

ScreenX — pieršaja ŭ śviecie technałohija mulciprajekcyi dla kinateatraŭ, jakaja daje hledačam panaramny ahlad na 270 hradusaŭ. Stvarajecca maksimalny efiekt prysutnaści. U dadatak da asnoŭnaha ekrana vykarystoŭvajucca dva bakavyja, tamu karcinka ŭ litaralnym sensie akružaje hledačoŭ u zale.

«Za piać hadoŭ videaservis VOKA prajšoŭ šlach ad pasłuhi dla mabilnych pryład da bujnoha ahrehatar raznastajnaha kantentu. Dla nas važna, kab u VOKA jak servisu byŭ ułasny tvar, viadomy i ŭnikalny. Tamu, akramia supracoŭnictva ź viadučymi suśvietnymi vytvorcami kantentu, my aktyŭna pracujem nad ułasnymi prajektami, — adznačyŭ namieśnik hienieralnaha dyrektara kampanii A1 pa ličbavych płatformach i kantencie Anton Bładzik. — My pastajanna šukajem novyja šlachi, kab zabiaśpiečyć našym karystalnikam dostup da samych cikavych navinak u śviecie sučasnaha ličbavaha telebačańnia i kino. Ciapier, kali pad brendam VOKA pradstaŭleny nie tolki anłajn-videaservis, ale i kinateatr, takich mahčymaściaŭ u našych karystalnikaŭ stanie jašče bolš».

Adzin z klučavych napramkaŭ u rabocie VOKA — stvareńnie biełaruskamoŭnaha kantentu, u tym liku i dla pakazu na vialikim ekranie.

Ź vieraśnia 2019 hoda sumiesna ź sietkaj kinateatraŭ Silver Screen VOKA zapuskaje prajekt pa łakalizacyi filmaŭ dla biełaruskaha rynku i ich pierakładu na biełaruskuju movu. Prajekt startuje z prafiesijnaj biełaruskaj ahučki kłasičnych šedeŭraŭ suśvietnaha kiniematohrafa i kultavych filmaŭ. U pierśpiektyvie płanujecca pierakład u tym liku i apošnich kinanavinak, kab pakazvać ich u dzień suśvietnaj premjery. Pakazy buduć prachodzić kožny miesiac u VOKA CINEMA i va ŭsich kinateatrach sietki Silver Screen u Minsku.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?