ZŠA ličać, što vybuch na palihonie pad Sievieradźvinskam źviazany z rasijskaj prahramaj raspracoŭki hipierhukavych rakiet, jakaja stavić pad pytańnie padaŭžeńnie Dahavora ab skaračeńni i abmiežavańni stratehičnych nastupalnych uzbrajeńniaŭ, pieradaje Reuters.
Pa słovach krynicy, u Vašynhtonie pakul što nie mohuć adnaznačna zrabić vysnovu, ci byŭ vybuch radyjeaktyŭnym.
Rasijska-amierykanski dahavor, pra jaki idzie havorka (ab mierach pa dalejšym skaračeńni i abmiežavańni stratehičnych nastupalnych uzbrajeńniaŭ), ustupiŭ u siłu ŭ 2011 hodzie i raźličany na 10 hadoŭ z mahčymym padaŭžeńniem pa ŭzajemnaj damoŭlenaści bakoŭ na 5 hadoŭ.
Dahavoram praduhledžana skaračeńnie jadziernych zaradaŭ da 1550 adzinak, mižkantynientalnych balistyčnych rakiet, balistyčnych rakiet padvodnych łodak i ciažkich bambavikoŭ — da 700 adzinak.
