13 žniŭnia ab vysyłcy rasijskaha dypłamata paviedamiła Słužba biaśpieki Ukrainy (SBU). Viedamstva nazvała jaho rasijskim raźviedčykam, jaki pracavaŭ pad prykryćciom hienkonsulstva Rasii ŭ Lvovie. Jon atrymlivaŭ ad miascovaha žychara infarmacyju pra ŭkrainskuju armiju, pravaachoŭnyja orhany i zamiežnych vajennych instruktaraŭ va Ukrainie.
U svaju čarhu MZS Rasii abviaściła piersonaj non hrata supracoŭnika hienkonsulstva Ukrainy ŭ Sankt-Pieciarburhu.
Heta było zroblena ŭ adkaz na vysyłku supracoŭnika hienkonsulstva Rasii ŭ Lvovie, zajavili ŭ viedamstvie. Tam śćviardžajuć, što ŭkrainski bok nie daŭ nijakich dokazaŭ supraćpraŭnaj dziejnaści rasijanina.
