Urad Danii razhladaje pytańnie pra ŭzmacnieńnie kantrolu na miažy sa Šviecyjaj paśla vybuchu la ŭradavaj ustanovy ŭ Kapienhahienie, pieradaje Reuters.

«My razhledzim mahčymaść achovy našaj miažy sa Šviecyjaj lepšym i bolš razumnym sposabam», — skazała premjer Danii Miete Frederyksien.

Danija i Šviecyja złučanyja Eresunskim mostam praz 16-kiłamietrovy praliŭ. Tysiačy hramadzian štodnia pierasiakajuć miažu na ciahniku abo aŭtamabili.

«U nas nie moža być takoha, što vy možacie pryjechać sa Šviecyi ŭ Daniju i raźmiaścić vybuchoŭku ŭ centry našaj stalicy», — skazała Frederyksien.

U sieradu dackaja palicyja zajaviła, što aryštavała 22-hadovaha hramadzianina Šviecyi i vydała mižnarodny ordar na aryšt jašče adnaho švieda ŭ suviazi z vybucham la ŭvachodu ŭ budynak padatkovaj słužby ŭ Kapienhahienie.

Vybuch prahrymieŭ u noč na 7 žniŭnia, adzin čałaviek atrymaŭ ranieńni.

Клас
0
Панылы сорам
0
Ха-ха
0
Ого
0
Сумна
0
Абуральна
0