Miadźviedź staŭ naviedvacca ŭ aharod žycharki vioski Kulniova Rasonskaha rajona, paviedamiŭ BiełTA aficyjny pradstaŭnik UUS Viciebskaha abłvykankama Alaksandr Kałyska.
Pieršy vizit adbyŭsia ŭ noč na 18 žniŭnia. Pałamanyja haliny dreva i značna pamienieły ŭradžaj hruš prymusiŭ žančynu ranicaj źviarnucca z zajavaj u milicyju.
«Asoba» złamyśnika była raskrytaja ŭ toj ža dzień - kala 17.00 miadźviedź iznoŭ pryjšoŭ na padvorak. Žančyna, jakaja znachodziłasia ŭ hety čas doma, napałochała źviera krykami i paviedamiła ŭ milicyju.
Da spravy padklučylisia taksama miascovyja jehiery. Miadźviedź pakul nie znojdzieny.
