Dźvie rasijskija stancyi manitorynhu radyjacyi spynili pieradavać danyja praz dva dni paśla vybuchu rakiety pad Archanhielskam, piša The Wall Street Journal.
Vykanaŭčy sakratar Arhanizacyi Dahavora ab usioabdymnaj zabaronie jadziernych vyprabavańniaŭ (CNBTO) Łasina Zierba zajaviŭ, što dźvie stancyi pablizu spynili pieradavać danyja praz dva dni paśla vybuchu.
Hetyja stancyi manitorynhu, Dubna i Kiraŭ, źjaŭlajucca častkaj hłabalnaj sietki, jakaja zabiaśpiečvaje vykanańnie krainami pravił Dahavora ab usioabdymnaj zabaronie jadziernych vyprabavańniaŭ, choć jon jašče nie byŭ aficyjna zaćvierdžany na mižnarodnym uzroŭni.
Zierba paviedamiŭ WSJ, što jaho arhanizacyja źviazałasia sa stancyjami adnosna taho, čamu jany pierastali pieradavać danyja. U adkazie jamu patłumačyli, što havorka idzie tolki ab prablemach z «suviaźziu i sietkaj».
