Haścinica Tokia Star u Adesie, pažar u jakoj zabraŭ žyćci dzieviaci čałaviek, prachodziła pa dakumientach jak «składskija pamiaškańni».
Pra heta paviedamili na pasiadžeńni kamisii pa pytańniach technahienna-ekałahičnaj biaśpieki i nadzvyčajnych situacyj Adeskaj abłdziaržadministracyi, pieradaje Ukrainskaja Słužba Infarmacyi.
V.a. dyrektara departamienta architektury Ihar Čarkasaŭ zajaviŭ, što dakumienty, jakija dazvalajuć rearhanizacyju pamiaškańniaŭ tramvajnaha depo ŭ hatel, nie byli znojdzienyja.
«My znajšli piać dekłaracyj. Ni ŭ adnym z dakumientaŭ niama zhadak taho, što pa hetym adrasie možna pražyvać. U dakumientach budynki byli zdadzieny ŭ arendu jak składskija pamiaškańni», — zajaviŭ Čarkasaŭ.
Nahadajem, u noč na 17 žniŭnia ŭ hateli Tokia Star u Adesie adbyŭsia pažar, u vyniku jakoha dzieviać čałaviek, u tym liku dzicia, zahinuli, i jašče dziesiać byli špitalizavany.
U haścinicy na momant pažaru pražyvali 14 biełarusaŭ.
