U Lachavickim rajonie žančyna-kiroŭca paciarpieła, unikajučy sutyknieńnia z hruzavikom, paviedamlaje milicyja.
Avaryja zdaryłasia 17 žniŭnia kala 13.20 na 3-m kiłamietry aŭtadarohi Lachavičy — Śviacica. Nasustrač adzin adnamu ruchalisia hružany sałomaj MAZ z pryčepam, jakim kiravaŭ 64-hadovy žychar Baranavickaha rajona, i aŭtamabil «Kia», jakim kiravała 31-hadovaja žycharka Lachavič.
U hruzavika z zadniaha pravaha koła pryčepa vyskačyła stoparnaje kalco — jon vyjechaŭ na pałasu sustrečnaha ruchu. Kiroŭca «Kia», unikajučy sutyknieńnia, źjechała ŭ kiuviet kala lesu. U vyniku DTZ žančyna z traŭmami špitalizavana ŭ rajonnuju balnicu. Jana była pryšpilenaja ramianiom biaśpieki. Kiroŭca hruzavoha aŭtamabila nie paciarpieŭ.
