Alaksandr Łukašenka pavinšavaŭ prezidenta Ukrainy Uładzimira Zialenskaha z Dniom niezaležnaści, paviedamlaje pres-słužba biełaruskaha kiraŭnika.
«Ciesnyja suviazi pamiž našymi krainami zaŭsiody budavalisia na ŭzajemnaj pavazie i dobrazyčlivaści, daviery i padtrymcy. Siońnia biełaruski i ŭkrainski narody abjadnoŭvajuć brackija adnosiny, duchoŭnyja karani, imknieńnie žyć u zhodzie, šmatlikija sumiesnyja prajekty», - havorycca ŭ vinšavańni.
Kiraŭnik dziaržavy vykazaŭ pierakanańnie, što jaho sustreča z ukrainskim lidaram na II Forumie rehijonaŭ Biełarusi i Ukrainy budzie sadziejničać dalejšamu ŭmacavańniu stratehičnaha partniorstva, adkryje novyja mahčymaści praktyčnaha miždziaržaŭnaha supracoŭnictva ŭ roznych halinach.
Alaksandr Łukašenka pažadaŭ Uładzimiru Zialenskamu zdaroŭja i ažyćciaŭleńnia płanaŭ, a družalubnamu narodu Ukrainy - miru, dabrabytu i ŭpeŭnienaści ŭ zaŭtrašnim dni.
