pixabay.com
Pieršy vypadak śmierci ad elektronnaj cyharety zafiksavany ŭ štacie Ilinojs (ZŠA). Pra heta paviedamlaje Fox News.
Pradstaŭniki departamienta hramadskaj achovy zdaroŭja štata śćviardžajuć, što pacyjent byŭ dastaŭleny ŭ špital z surjoznym reśpiratornym zachvorvańniem paśla viejpinhu. Daktaram nie ŭdałosia vyratavać jaho žyćcio. Nijakaj inšaj infarmacyi pra pacyjenta, uklučajučy imia, uzrost, rodny horad ci data śmierci, nie raskryvajecca.
U viedamstvie adznačyli, što ŭ balnicach štata znachodziacca 22 čałavieki va ŭzroście ad 17 da 38 hadoŭ, jakija na minułym tydni ŭdychali par elektronnych cyharet.
Departamient, bačačy surjoznaść situacyi, vyklikaŭ hrupu Centra pa kantroli i prafiłaktycy zachvorvańniaŭ (CKZ), ekśpierty prybyli ŭ štat i prystupili da rasśledavańnia vypadkaŭ.
