U Staŭrapalskim krai Rasii raźbiŭsia šturmavik Su-25UB, dva lotčyka katapultavalisia, piša ria.ru sa spasyłkaj na Minabarony RF.
Adznačajecca, što samalot ździajśniaŭ płanavy vučebna-trenirovačny palot biez bojekamplektu, jon zvaliŭsia ŭ biaźludnaj miascovaści i vybuchnuŭ, sutyknuŭšysia ź ziamloj.
Fota telehram-kanała «Fighterbomber». Śćviardžajecca, što heta miesca zdareńnia.
U rajonie krušeńnia znojdzienyja parašuty, piłotaŭ šukajuć. Telehram-kanał Baza śćviardžaje, što jany zahinuli.
Su-25 - braniravany dahukavy šturmavik, pryznačany dla padtrymki suchaputnych vojskaŭ nad polem boju dniom i nočču pry vizualnaj bačnaści celi, a taksama dla źniščeńnia abjektaŭ z zadadzienymi kaardynatami kruhłasutačna ŭ lubych mieteaŭmovach. U rasijskich vojskach atrymaŭ mianušku «Hrak».
Su-25UB - dvuchmiesny vučebna-bajavy samalot dla padrychtoŭki i treniroŭki lotčykaŭ, moža vyrašać bajavyja zadačy ŭ poŭnym abjomie.
