Administracyja Facebook maje namier nieŭzabavie pradstavić funkcyju, z dapamohaj jakoj usie karystalniki zmohuć zabaranić užyvać technałohiju raspaznańnia tvaraŭ na fatahrafijach u sacsietcy. Pra heta havorycca ŭ zajavie, apublikavanaj u aŭtorak u aficyjnym błohu Facebook.
Jak udakładnili pradstaŭniki sacsietki, dla novych karystalnikaŭ, zhodna z standartnymi naładami, funkcyja budzie pieršapačatkova adklučanaja. Jaje možna ŭ luby momant uklučyć. U Facebook ŭdakładnili, što dla niekatorych ulikovych zapisaŭ funkcyja stała dastupnaja z kanca 2017 hoda. Z aŭtorka jaje pačnuć pradastaŭlać dla ŭsich.
U zajavie ŭdakładniajecca, što dla ŭsich karystalnikaŭ buduć dastupnyja inšyja nałady, jakija tyčacca raspaznańnia tvaraŭ. U ich liku mahčymaść aŭtamatyčnaha apaviaščeńnia čałavieka ab tym, što niechta vydaje fatahrafiju, na jakoj jon jość, za svaju.
Kampaniju Facebook raniej nie raz krytykavali za parušeńni pry zbory i zachoŭvańni dadzienych karystalnikaŭ. Kiraŭnik Facebook Mark Cukierbierh nieadnarazova abiacaŭ, što ŭ sacsietcy buduć bolš bieražliva stavicca da piersanalnaj infarmacyi.