Łarysa Roślik paśla vyniasieńnia prysudu raźvitvajecca z synam i 15-hadovaj dačkoj
Minski abłasny sud 4 vieraśnia vynies prysud pa druhoj spravie Siarhieja Barysieviča, piša Tut.by.
Eks-kiraŭnik hałoŭnaha ŭpraŭleńnia spažyvieckaha rynku Minharvykankama Siarhiej Barysievič z ulikam papiaredniaha prysudu atrymaŭ 13 z pałovaj hadoŭ pazbaŭleńnia voli, heta značyć termin pavialičany na paŭhoda. Barysieviča, jak i ŭ pieršym pracesie, što zaviaršyŭsia abvinavaŭčym prysudam na 13 hadoŭ, abvinavačvali ŭ atrymańni chabaru (častka 2 artykuła 430).
Eks-zahadčyk kambinata školnaha charčavańnia (KŠP) Leninskaha rajona Branisłaŭ Roślik pryznany vinavatym u kradziažy šlacham złoŭžyvańnia słužbovymi paŭnamoctvami, č. 4, art. 210; złoŭžyvańni słužbovymi paŭnamoctvami, atrymańni chabaru, č. 2 i č. 3 art. 430; dačy chabaru č. 2 art. 431) i prysudžany da 10 hadoŭ kałonii ŭzmocnienaha režymu. Pa č. 2 art. 424 (złoŭžyvańni ŭładaj abo słužbovymi paŭnamoctvami) jaho apraŭdali.
Jaho žonka, kładaŭščyk KŠP Łarysa Roślik była pryznanaja vinavataj pa artykule machlarstva, č. 4 art. 209 KK. Jaje prysudzili da 4 hadoŭ kałonii ahulnaha režymu. Pry hetym, da prysudu jana zastavałasia na svabodzie — u pary jość niepaŭnaletniaje dzicia.
Eks-hałoŭny buchhałtar i namieśnik kiraŭnika KŠP Leninskaha rajona Alaksandra Mamaciuk za machlarstva (č. 4 art. 209); pasrednictva ŭ chabarnictvie (č. 1 art. 432) i kradziež šlacham złoŭžyvańnia słužbovymi paŭnamoctvami (č. 4 art. 210) prysudžana da 7 hadoŭ kałonii ahulnaha režymu.
Pazoŭ kambinata školnaha charčavańnia da abvinavačanych zadavolili: sud pastanaviŭ spahnać z Branisłava Roślika i Alaksandry Mamaciuk 31,7 tysiač rubloŭ, i 59 tysiač rubloŭ - z Łarysy Roślik, i znoŭ ža, Alaksandry Mamaciuk.
Prysud nie ŭstupiŭ u zakonnuju siłu i moža być abskardžany.
