Alaksandr Łukašenka pravioŭ sustreču ź dziaržaŭnym sakratarom Rady biaśpieki Biełarusi Stanisłavam Zasiem, na jakoj byli abmierkavany pytańni biaśpieki i vyniki niadaŭnich mižnarodnych sustreč, piša BIEŁTA.
«Tema biaśpieki ciapier u centry ŭvahi. Dziakujučy hetaj temie i Minsk siońnia trapiŭ u top navinaŭ pa pytańniach biaśpieki ŭ suviazi z kanfierencyjaj, jakuju pravodzić AAN», — skazaŭ kiraŭnik dziaržavy.
Jon adznačyŭ, što jakraz pierad sustrečaj sa Stanisłavam Zasiem abmiarkoŭvaŭ adpaviednyja prablemy i vyłučanyja biełaruskim bokam inicyjatyvy z namieśnikam hienieralnaha sakratara — kiraŭnikom Kontrterarystyčnaha upraŭleńnia AAN Uładzimiram Varankovym. «Tema hetaja akazałasia aktualnaj nie tolki ŭ Biełarusi, ale i Jeŭropie, na mižnarodnaj arenie», — kanstatavaŭ biełaruski kiraŭnik.
Alaksandr Łukašenka taksama paprasiŭ Stanisłava Zasia vykazać svaju pazicyju pa vynikach šerahu mižnarodnych sustreč, u tym liku vizitu ŭ Minsk daradcy prezidenta ZŠA pa nacyjanalnaj biaśpiecy Džonam Bołtanam i nastupnych pieramovaŭ u Varšavie. Jašče adna tema — sumiesnaja praca z Rasijaj pa prablemach biaśpieki.
