Arhanizacyja Baltic Internet Policy Initiative zamoviła praviadzieńnie daśledavańnia, jakimi mesendžarami karystajucca ŭ Biełarusi. Akazałasia, na pieršym miescy znachodzicca Viber. Vyniki apytańnia apublikavany na infopolicy.biz.
Daśledavańnie pravodziłasia ŭ žniŭni na praciahu dvuch tydniaŭ. Kolkaść apytanych skłała 662 čałavieki va ŭzroście ad 15 da 74 hadoŭ. U pryvatnaści, jany adkazvali na pytańnie, jakimi mesendžaram karystalisia za apošni miesiac.
Absalutnym lidaram u Biełarusi źjaŭlajecca Viber — 70%. Zatym iduć Skype — 38%, WhatsApp — 25%, Telegram — 23% i Facebook Messenger — 17%. Pry hetym 10% apytanych adkazali, što nie karystajucca mesendžarami naohuł.
Kali kazać pra ŭzrost karystalnikaŭ, Viber najbolš papularny ŭ apytanych va ŭzroście 25—44 hady, jaho abirajuć bolš za 80%. Telegram — bolš za 50% va ŭzroście 15—24 hady, a voś Skype — 46% va ŭzroście 55—74 hady.
