Prezident ZŠA Donald Tramp zajaviŭ, što chacieŭ by paźbiehnuć vajny ź Iranam paśla ataki dronaŭ na naftavyja abjekty kampanii Saudi Aramco, paviedamlaje rbc.ru sa spasyłkaj na Reuters.
Amierykanski lidar adznačyŭ, što, mabyć, mienavita Iran staić za napadam na naftavyja abjekty ŭ Saudaŭskaj Aravii. Pry hetym jon dadaŭ, što ŭ ZŠA šmat varyjantaŭ, i Vašynhton choča dakładna vyznačyć, chto staić za napadami.
U subotu na dva abjekty kampanii Saudi Aramco na bujnych radoviščach u Abkajku i Churajsie napali drony.
Siarod paškodžanych zbudavańniaŭ — NPZ, jaki Saudaŭskaja Aravija nazyvaje najbujniejšym u śviecie.
U vyniku ataki bieśpiłotnych aparataŭ na abjektach pačalisia pažary, adnak jany byli chutka łakalizavanyja i ŭziatyja pad kantrol.
Spačatku mierkavałasia, što napad arhanizavali jemienskija bajeviki. ZŠA paśla abvinavacili ŭ napadzie Iran, Tehieran admaŭlaje zakidy.
Ceny na naftu marki WTI i Brent paśla ataki vyraśli na 15%.
