Pryparkavanyja nie pa praviłach aŭto pieraškadžajuć pierasoŭvacca viełasipiedystam na pr. Dziaržynskaha. Takuju prablemu akreśliła minčanka Julija, jakaja vykarystoŭvaje dvuchkołavy transpart dla pajezdak na pracu, paviedamlajuć Minsk-naviny.
— Nieprystojna ŭ adnosinach da viełasipiedystaŭ pavodziać siabie supracoŭniki i naviedvalniki biznes-centra, raźmieščanaha na praśpiekcie Dziaržynskaha, 8. Kala jaho ŭvachodu jość nievialikaja abstalavanaja parkoŭka dla mašyn. Usim achvotnym miesca tam nie chapaje, ale samyja chitryja pakidajuć svaje aŭto prosta na vieładarožcy, jakaja prachodzić uzdoŭž praśpiekta. Pry hetym zastupajuć šlach dvuchkołavamu transpartu. A viełasipiedystaŭ šmat, jany vymušanyja źjazdžać ź ich zakonnaj darožki i ruchacca pa tratuary, — aburajecca minčanka.
Dziaŭčyna adznačaje, što viełatrasa paznačanaja pa ŭsich praviłach: tam jość raźmietka, darožnyja znaki. Apošnija dublujucca i na tratuarnaj plitcy.
