Niepracujučy 30-hadovy minčuk, a ŭ minułym złodziej sa stažam, pryjšoŭ u kramu bytavoj chimii na vulicy Karbyšava, paviedamlaje pres-słužba milicyi.
Mužčyna vyrašyŭ uziać hielevyja aśviažalniki, ich jon i pakłaŭ u pakiet — 15 štuk. Pradaviec pacikaviŭsia ŭ mužčyny, ci źbirajecca toj zapłacić. Złamyśnik adkazaŭ, što nie źbirajecca, i vyjšaŭ z kradzienym tavaram z kramy.
Milicyja zatrymała złodzieja. Ale tavar jon paśpieŭ zbyć na adnym z rynkaŭ. Pryčym adzin aśviažalnik jon pradavaŭ za 1 rubiel, a na vyručanyja hrošy nabyŭ śpirtnyja napoi.
