U Kalinkavičach paśla sustrečy ź siabrami mužčyna nie zamknuŭ uvachodnyja dźviery doma, čym i skarystaŭsia złamyśnik. A druhoj hadzinie nočy haspadar zaŭvažyŭ, što źnikła sumačka žonki, a krychu paźniej stała viadoma i pra inšuju prapažu, paviedamlajuć Mocnyja naviny.
Na vulicy znajšli prystaŭlenuju da płota łaŭku, i adrazu zdahadalisia: u domie byŭ hość. Sumačku znajšli niedaloka ad doma, ź jaje prapaŭ załaty piarścionak. Adnak heta była nie adzinaja strata — źnik zaplečnik, dzie zachoŭvałasia bolš za 21 tysiaču dalaraŭ.
Zdareńnie adbyłosia jašče 26 žniŭnia, ale viadoma pra złačynstva stała tolki ciapier. Padazravany znajšoŭsia davoli chutka, ale pramych dokazaŭ suprać jaho nie było.
15 vieraśnia ŭsie stała na svaje miescy, kali žychar Kalinkavičaŭ pryjechaŭ u Homiel na kansultacyju ŭ abłasnuju balnicu i pa darozie zajšoŭ u bank. Na vychadzie jaho čakała milicyja. U zaplečniku ŭ mužčyny znajšli 6 000 $ i kala dźviuch tysiač rubloŭ. Mužčyna pryznaŭsia ŭ złačynstvie, paviedamili va UUS.
Vyśvietliłasia, što, atrymaŭšy na ruki hrošy, jon kuplaŭ elitny ałkahol i pradukty, daryŭ kvietki dziaŭčatam i navat paśpieŭ dać u doŭh znajomamu.
Zaviedziena kryminalnaja sprava
