Lidar BNF i adkryvalnik praŭdy pra Kurapaty Zianon Paźniak vykazaŭsia nakont 80-hodździa abjadnańnia Zachodniaj Biełarusi i BSSR u 1939 hodzie, piša Radyjo Svaboda.
«Siarod čužych vojnaŭ, źvierstva vorahaŭ, padziełu Biełarusi i akupacyjaŭ dzień 17 vieraśnia 1939 hoda staŭ vypadkam, kali historyja na imhnieńnie paviarnułasia da nas tvaram», — piša ŭ svaim zvarocie Paźniak.
— Hetaja padzieja ad nas nie zaležała, ale realna jana abjadnała nacyju i ŭratavała adzinstva krainy, choć, jak i ŭsio dahetul, kaštavała nam vialikaj achviarnaj kryvi i tysiačaŭ achviarnych žyćciaŭ.
Palityk nazvaŭ samaj čornaj padziejaj u historyi Biełarusi XX stahodździa Ryžski padzieł 1921 hoda, kali «asłablenaja kraina była likvidavana, padzielena i nacyju metanakiravana niščyli z abodvuch bakoŭ».
— Kali b nie vajna — pierśpiektyvy nacyjanalna vyžyć i adnavić dziaržaŭnuju niezaležnaść u biełarusaŭ užo amal nie było b. Z hledzišča histaryčnaha adzinstva krainy akt savieckaj akupacyi abjektyŭna staŭsia čyńnikam abjadnańnia Biełarusi i faktam adnaŭleńnia histaryčnaj spraviadlivaści, źniščanaj u 1921 hodzie.
Pavodle Paźniaka, abjadnańnie pad savieckaj akupacyjaj kaštavała biełaruskamu narodu pakutaŭ i strat, bo, jak i padzieł, stałasia vynikam čužoj vajny, ale jano dało biełarusam uśviedamleńnie adzinstva, naminalna zachavała krainu, tym samym adčyniła nadzieju dziaržaŭnaj niezaležnaści i adradžeńnia.
— Takaja jość naša biełaruskaja historyja, — zaviaršyŭ svoj zvarot Zianon Paźniak.
17 vieraśnia 1939 hoda Čyrvonaja armija ŭvajšła ŭ Polšču, kab dałučyć Zachodniuju Biełaruś da BSSR.