Dvoje homielskich fitnes-trenieraŭ zdymali na videa, jak zabaŭlajucca u miascovaj trenažorcy.
Historyja ŭspłyła paśla taho, jak u miascovy partał Progomel źviarnuŭsia padpisant: maŭlaŭ, u trenažornaj zale «Fleks», što raźmiaščajecca ŭ Domie sporta na praśpiekcie Lenina, dvoje fitnes-trenieraŭ zdymajuć porna i vykładvajuć jaho ŭ internet.
«Na burnuju reakcyju z boku byłych kaleh pa zale nie reahujuć, całkam admarožanyja», — paviedamiŭ padpisčyk.
Akazałasia, što fitnes-treniery — dvoje bratoŭ. Dzianisu 27 hadoŭ, jaho małodšamu bratu Mikitu — 19.
Dzianis u 2018 hodzie staŭ pieramožcam konkursu «Samy mocny hamialčuk» u katehoryi da 95 kiłahramaŭ.
Ciapier kalehi i znajomyja bratoŭ nie kamientujuć historyju. Ale pradstaŭnik administracyi zały Vasil Furman patłumačyŭ partału Progomel, što braty nie pracujuć u trenažornaj zale, a źjaŭlajucca piersanalnymi trenierami, heta značyć vykarystoŭvajuć bieźlimitny abaniemient dla zaniatkaŭ.
Pra toje, što adbyvajecca, kiraŭniki zały nie viedali. Vasil Furman zapeŭniŭ, što voźmie hetuju infarmacyju pad asabisty kantrol i praviadzie raźbiralnictva. «Kali ŭsio paćvierdzicca, źjaŭlacca jany tut dakładna nie buduć», — zajaviŭ jon.
Vyrab i raspaŭsiud porna ŭ Biełarusi — kryminalnaje złačynstva. Bratam moža pahražać da 4 hadoŭ pazbaŭleńnia voli.