U Dokšyckim rajonie dvoje złodziejaŭ, chavajučysia ad pieraśledu, kinuli ŭ lesie vykradzienuju mašynu z 10-hadovym dziciem u sałonie, paviedamlaje viciebskaja milicyja.

Dvoje viaskoŭcaŭ (17 i 18 hadoŭ) paprasili ŭ pryjaciela jaho aŭtamabil, kab pakatacca pa navakolli. Atrymaŭšy admovu, jany, pakul uładalnik mašyny spaŭ, zabralisia ŭ jaho dom, uziali klučy ad aŭto i źjechali. Z saboj maładyja ludzi ŭziali 10-hadovuju dačku svajoj znajomaj.

Praź niekatory čas haspadar mašyny vyjaviŭ prapažu i paviedamiŭ u milicyju. Supracoŭniki pravaachoŭnych orhanaŭ znajšli aŭtamabil i pačali pieraśled złamyśnikaŭ. Tyja pasprabavali schavacca ŭ lesie, adnak tam mašyna zahłuchła. Złodziei kinuli aŭto razam ź dziaŭčynkaj. Milicyjaniery vyśvietlili asoby padazravanych, a dzicia viarnuli maci.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?