Žychar Vilejki pracuje za horadam. Na minułym tydni mužčyna viartaŭsia z pracy dadomu, vypiŭ, ale, nie dajechaŭ da doma, vyjšaŭ u Iźbinie, kab pahutaryć ź ludźmi.
U pošukach surazmoŭcy jon sprabavaŭ uvajści ŭ niekalki dvaroŭ. Ale bramki byli začynienyja. Narešcie, u adzin z dvaroŭ ŭvajšoŭ. Tam žyvie šmatdzietnaja siamja. Spačatku vilajčuk hutaryŭ z žonkaj haspadara doma, a potym prapanavaŭ dapamohu. Kali na hanak vyjšaŭ muž, mužčyna schavaŭsia ŭ čužoj mašynie i zamknuŭsia ŭ sałonie. Na mirnyja ŭhavory vyjści z aŭtamabila mužčyna nie adreahavaŭ i vyjšaŭ z sałona tolki paśla prybyćcia milicyi.
U dačynieńni da vilejčuka składzieny administracyjny pratakoł pa artykule 17.1 «Drobnaje chulihanstva» Kodeksa ab administracyjnych pravaparušeńniach. Mužčyna ŭžo zapłaciŭ štraf. Na ranicu paśla incydentu rastłumačyŭ, što nie pamiataje pra toje, što adbyvajecca.
Za drobnaje chulihanstva mužčyna atrymaŭ 2 bazavyja štrafu — 51 rubiel.
