Prezident ZŠA Donald Tramp i premjer-ministr Vialikabrytanii Barys Džonsan damovilisia padpisać pahadnieńnie ab svabodnym handli pamiž dźviuma krainami da lipienia 2020 hoda, paviedamlajuć infarmahienctvy.

Vybar terminu pradyktavany ryzykami, źviazanymi z prezidenckimi vybarami ŭ ZŠA, jakija adbuducca ŭvosień 2020 hoda. Niahledziačy na ​​toje, što mahčymaść pahadnieńnia daŭno abmiarkoŭvajecca, aficyjnyja pieramovy mohuć pačacca tolki paśla vychadu Vialikabrytanii ź Jeŭrasajuza.

Pahadnieńnie ab svabodnym handli ź Vialikabrytanijaj moža stać najbujniejšaj handlovaj ździełkaj, jakuju kali-niebudź zaklučali ZŠA ź inšaj dziaržavaj. ZŠA čakajuć ad ździełki źnižeńnia brytanskich pošlin na ŭvoz stalnoj pradukcyi, a taksama źnižeńnia abo admieny ličbavaha padatku dla najbujniejšych technałahičnych karparacyj. Brytanija spadziajecca atrymać dostup da amierykanskaha rynku finansavych pasłuh.

U kancy žniŭnia Džonsan zajaŭlaŭ, što ZŠA hatovyja zaklučyć pahadnieńnie na praciahu hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0