U dačynieńni da hramadzianina Demakratyčnaj Respubliki Konha, jaki źjaŭlaŭsia zamiežnym studentam Połackaha dziaržaŭnaha ŭniviersiteta, ŭžytaja pracedura vysyłki ź Biełarusi ŭ intaresach hramadskaha paradku. Departacyja ažyćcioŭlena z 9 pa 12 vieraśnia 2019 hoda, paviedamili ŭ Adździaleńni hramadzianstva i mihracyi Navapołackaha HAUS, piša Novopołock siehodnia.

Zdareńnie adbyłosia ŭ pačatku lipienia kala miascovaha načnoha kłuba.

Jak paviedamiła viciebskaja milicyja, dvoje zamiežnych studentaŭ padrychtoŭčaha adździaleńnia VNU pravodzili viečar u kampanii znajomaj. U niejki momant pamiž adnym z chłopcaŭ i dziaŭčynaj paŭstaŭ kanflikt. Jaho śviedkam staŭ vypadkovy čałaviek, jaki zastupiŭsia za suajčyńnicu. U chodzie bojki pamiž mužčynami uradženiec Demakratyčnaj Respubliki Konha ukusiŭ apanienta. Paśla afrykancy i ich znajomaja paśpiašalisia źbiehčy. Dla hetaha jany vyklikali taksi. Adnak kiroŭca admoviŭsia vieźci kampaniju. Tady dziaŭčyna ŭziałasia hramić aŭtamabil.

Paciarpiełaha, jakomu student z Konha adkusiŭ kavałak padbarodka, špitalizavali, zrabili apieracyju.

Клас
0
Панылы сорам
0
Ха-ха
0
Ого
0
Сумна
0
Абуральна
0