Wikimedia Commons

Wikimedia Commons

Adna z najbujniejšych turystyčnych firmaŭ śvietu Thomas Cook spyniła dziejnaść. U kampanii ŭviedziena źniešniaje kiravańnie, paviedamlaje RBK

Pry hetym za miežami Vialikabrytanii zastalisia kala 150 tys. klijentaŭ Thomas Cook, rachunki jakich bolš nie apłačvajucca. U ich jość, adnak, strachoŭka, jakaja daść mahčymaść u vypadku nieabchodnaści dabracca dadomu.

Jak paviedamili ahienctvu Reuters va Upraŭleńni hramadzianskaj avijacyi Vialikabrytanii, viarnuć dadomu ŭsich paciarpiełych ad spynieńnia pracy turfirmy ludziej płanujecca na praciahu bližejšych dvuch tydniaŭ.

U Łondanie ŭžo zajavili, što havorka moža iści ab najbujniejšaj apieracyi pa evakuacyi mirnych hramadzian u historyi krainy.

Kiraŭnik Thomas Cook Piter Fanchaŭzer, kamientujučy situacyju, zajaviŭ, što jamu zastajecca tolki vybačycca.

U apošni hod u Thomas Cook, što vałodała haścinicami, samalotami i kruiznymi łajnierami pa ŭsim śviecie, uźnikli finansavyja prablemy. Vyratavać turahienctva mahła ździełka z kitajskaj Fosun, adnak damovicca ab uhodzie koštam £ 900 młn nie ŭdałosia, bo ŭ apošni momant kredytory zapatrabavali ad novych uładalnikaŭ pavialičyć sumu na £ 200 młn. U niadzielu kiraŭnictva Thomas Cook sprabavała damahčysia kampramisu, adnak paśla pravału pieramovaŭ vyrašyła abjavić pra likvidacyju

Nie atrymałasia ŭ Thomas Cook damahčysia dapamohi i ŭ dziaržavy. Pra admovu ratavać turfirmu zajaviŭ ministr zamiežnych spraŭ Vialikabrytanii Daminik Raab.

Mahčymymi pryčynami finansavaha krachu Thomas Cook Bi-bi-si nazyvaje ŭzrosłuju kankurencyju na turystyčnym rynku ŭ suviazi sa źjaŭleńniem nievialikich anłajn-apierataraŭ i łaŭkost-avijakampanij.

Клас
0
Панылы сорам
0
Ха-ха
0
Ого
0
Сумна
0
Абуральна
0