Biełaruski mastacki film «Voziera radaści» Alaksieja Pałujana, źniaty pa matyvach adnajmiennaha ramana Viktara Marcinoviča, praciahvaje tryumfalnaje šeście pa kinafiestyvalach Jeŭropy. Uviečary 21 vieraśnia adzin z samych hałoŭny kinafestaŭ karotkamietražnaha kino ŭ Hrecyi — Drama International Short Film Festival — uznaharodziŭ stužku pryzam «Za najlepšuju režysuru»

«Vielmi ŭściešany atrymać pryz za najlepšuju režysuru na hałoŭnym kinafiestyvali karotkamietražnaha kino ŭ Hrecyi — Drama International Film Festival. Jak vy viedajecie, adnamu źniać film niemahčyma, tamu heta pryz dla ŭsioj našaj cudoŭnaj internacyjanalnaj kamandy, jakaja dva hady tamu ź vialikaj apantanaściu zdymała film u pryhožych viosačkach Biełarusi i hod pracavała nad postpradukcyjaj filma. Heta byli ludzi roznych kultur: Biełarusi, Hiermanii, Irana, Hruzii, Ukrainy, Bałharyi, Armienii, Šatłandyi, Ispanii, ale kožny ź ich ukłaŭ čaścinku svajho serca ŭ naš film. Mienavita tamu jon i atrymaŭsia takim, što ludzi ŭ roznych krainach śvietu jaho dobra razumiejuć», — raskazvaje režysior filma.

Film apaviadaje pra žyćcio 9-hadovaj dziaŭčynki Jasi, jakuju paśla śmierci maci baćka advozić u internat. Hałoŭnuju rolu ŭ filmie vykanała 9-hadovaja Anastasija Plac, jakaja tydzień tamu atrymała pryz «Najlepšaja aktrysa» na prestyžnym ispanskim kinafiestyvali FICBUEU, tam ža karcina «Voziera radaści» zavajavała jašče dźvie ŭznaharody — pryz žury i pryz «Za najlepšaje mastackaje rašeńnie».

Jak minski ajcišnik Alaksiej Pałujan staŭ kinarežysioram

Suśvietnaja premjera filma pa knizie Marcinoviča «Voziera radaści» — na hałoŭnym mižnarodnym fiestyvali karotkaha mietra. Čamu heta praryŭ?

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?