Fota ź Vikipiedyi

Fota ź Vikipiedyi

Supracoŭniki Paŭnočna-Kaŭkazskaha pošukava-vyratavalnaha atrada MNS Rasii znajšli na Elbrusie miortvym biełaruskaha alpinista, jaki pierastaŭ vychodzić na suviaź niekalki dzion tamu. Pra heta paviedamiŭ načalnik Elbruskaha vysakahornaha pošukava-vyratavalnaha atrada MNS RF Abdułach Hulijeŭ, piša BiełTA.

«Na paŭnočnym baku Elbrusa vyjavili cieła źnikłaha alpinista ź Biełarusi. Znajšli jaho supracoŭniki Paŭnočna-Kaŭkazskaha pošukava-vyratavalnaha atrada MNS Rasii ŭ rajonie skałaŭ Lenca, na vyšyni kala 4,7 tys. m, ciapier jaho transpartujuć ŭniz», — skazaŭ Abdułłach Hulijeŭ.

Ab źniknieńni 62-hadovaha biełaruskaha alpinista paviedamiŭ u MNS Rasii jaho syn ŭviečary 18 vieraśnia. Padarožnik nie byŭ zarehistravany ŭ MNS RF, nakiroŭvaŭsia na ŭschodniuju viaršyniu hary i nie vyjšaŭ na suviaź u damoŭleny čas. U pošukach byli zadziejničanyja ratavalniki i viertalot.

Paźniej z-za nadvorja pošuki byli prypynienyja, abśledavańnie schiłaŭ hary ź viertalota vynikaŭ nie dało.

Клас
0
Панылы сорам
0
Ха-ха
0
Ого
0
Сумна
0
Абуральна
0