Pra vypadak, što zdaryŭsia viečaram 22 vieraśnia, paviedamlaje ŭ svaim telehram-kanale pres-sakratar MUS Volha Čamadanava.

Narad centralnaha adździeła Departamienta achovy prybyŭ da kramy na vulicu Niamiha na vyklik paśla spracoŭvańnia sihnalizacyi. Milicyjanty pryparkavali słužbovuju «Nivu Šeŭrale» la abočyny i nakiravalisia ŭ kramu. Pakul jany adsutničali, da aŭtamabila padyšoŭ minak, parezaŭ ŭ im pravaje piaredniaje koła i źbieh.

Znajści jaho było nie ciažka. Vyvučyli zapisy ź videarehistratara słužbovaha aŭtatranspartu i abśledavali vakolicy. U vyniku chulihana pa prykmietach zatrymali ŭ adnym z najbližejšych kafe i pieradali śledča-apieratyŭnaj hrupie Centralnaha RUUS. Padazravanym akazaŭsia 24-hadovy žychar Viciebskaj vobłaści, jaki znachodziŭsia ŭ stanie ałkaholnaha apjanieńnia.

U dačynieńni da jaho raspačata kryminalnaja sprava pa č.1 art.339 KK Biełarusi (chulihanstva). Ciapier zatrymany znachodzicca ŭ izalatary.

Клас
0
Панылы сорам
0
Ха-ха
0
Ого
0
Сумна
0
Абуральна
0